Isaiah 51
Zion Ading Tawntung Hotkhiatna
1No thumaan delhaTOPA a zongte aw, ngai un:
Note hong ki-eukhiatna suangpi,
hong kitawhkhiatna suangkuak en un; a
2 Na pa uh Abraham le
na suahna uh Sarah en dih un.
Amah ka sap lai-in amah kia bek hi a,
amah thupha pia-in tampi ka phasak hi. b
3 TOPA in Zion hehnem taktak dinga, c
ama kisiatna khempeuh khuatuahna mitin a en ding hi; d
ama sehnel-gamte Eden bangsak dinga, e
a gamtulte TOPA huan bang ding hi.
Ama sungah lungnopna le kipahna, f
lungdamkohna le lasakna awging a om ding hi. g
4 “Ka mite aw, ka thu ngai un;
ka minam aw, ka thu za in:
Kei tung panin thukham pusuakkhia ding hi;
minamte tungah keima thutanna khuavak a suak ding hi.
5 Ka thumaanna hong kinawh mahmahin
ka hotkhiatna hong pai laitak hi a,
ka khut in minamte tungah thutang a puak ding hi.
Tuikulhte in kei hong en ding uh a,
ka khut sep ding lamenin a ngak ding uh hi. h
6 Daktoin vante ento unla,
nuai-a leitung zong en un;
vante meikhu bangin mang dinga, i
leitung puan bangin paatkhia-in j
a tunga tengte tho bangin a si ding uh hi.
Ahi hangin ka hotkhiatna kip tawntung dinga k
ka thumaanna a bei ngei kei ding hi. l
7 “Thumaan thei a, a lungsimah ka thukham a vomte aw,
ka thugen ngai un:
mite kosiatna kihta kei unla amaute engkona hangin
patau kei un. m
8 Ahang in, nget in puan a nek bangin amaute netummang dinga; n
siim in samul a nek bangin amaute a valh ding hi. o
Ahi hangin ka thumaanna bei ngei lo dinga, p
khang tawntungin ka hotkhiatna a kip den ding hi,” a ci hi.
9 Khanglo in, khanglo in!
TOPA ban aw, thahatna puan silh in; q
a beisa nite bang,
tanglai peka khanghunte bangin khanglo in.
Rahab a atnenpa ganhing lianpi r
a sunletpa nang hi lo na hi hiam? s
10 Tatkhiatsate kantan theih dingin tuipi keusak a, t
tui thukpi tuite a keusakpa,
tuipi sunga lamsialpa u
nang hi lo na hi hiam?
11 TOPA tatsate a kileh kik ding uh hi. v
La sa kawmin amaute Zion ah lut ding uh a; w
amau lutungah a bei ngei lo lungnopna a khu ding uh hi.
Kipahna le lungnopna tawh kidimin x
dahna le khuisatna a mangthang ding hi. y
12 “Kei, kei mahmah note hong hehnempa ka hi hi. z
Mihing hi lel a, mihing tapate ahi lel, aa
lopa bang lelte a kihta nang kua na hiam? ab
13 Nang hong Bawlpa TOPA -
vante zala leitung bulpite ac
a phutpa a mangngilh nang, ad
mi nengniamte thangpaihna hangin
lauthawngsa-a nungtapa, ae
siatna bek tupa nei pa nang kua na hiam?
Ahang in, mi nengniamte thangpaihna koi-ah om ahi hiam? af
14 Thong kia-a kunte kikhahkhia baih ta ding hi;
amaute thong hawmpi sungah si lo ding uh a,
anlum zong a kitasam kei ding uh hi.
15 Ahang in keimah in nangma Pasian TOPA,
tuihualte a hawk nadingin tuipi a lawkgawppa -
a min Thahatpen TOPA ka hi hi. ag
16 Na kam sungah ka thute ka guang khina, ah
ka khut liimin nang kong sung hi -
vante a munah a omsakpa,
leitung bulpite phuta, ai
Zion tungah, ‘Note ka mite na hi uh hi,’ a cipa keimah ka hi hi,” a ci hi. aj
TOPA’ Thangpaihna Hai
17 Khanglo in, khanglo in! akJerusalem aw, tho in,
nang in ama thangpaihna ahi - al
mite a amsak hai a tawdat dongin am
TOPA khut panin
na dawna na kham khin hi. an
18 Tuanu sunga piang tapa khempeuh ao
amah lam a hilh ding khat beek om lo a;
ama khoisa tapa khempeuh
a khuta len ding khat beek a om kei hi.
19 Hih tuahsiatnate a thuapin hong tungta - ap
kua in hong hehnem ding hiam?
Kisiatna le maimanna, kialpi le namsau - aq
hong tung hi kua in hong dahpih thei ▼
▼51.19 Si Tuipi Laizialte, Septuagint le Syriac Masoretic Bupi / kei in bangcih thei
ding hiam?20 Na tapate bah khin uh a;
lam lian bul tengah
lenthanga awk sanang bangin lum uh hi. as
TOPA thangpaihna le na Pasian taina tawh
amaute kidim uh hi. at
21 Tua ahi ciangin zu hi lo napi
a khama hingimpa aw, hih thu za in. au
22 Hih in na Pasian Thupipen TOPA
ama mite a hupa gen ahi hi: av
“En in, nang hong hoisak
hai na khut panin ka lakhia khin hi; aw
tua hai panin ka thangpaihna haipi
na dawn kik ngei nawn kei ding hi.
23 No hong gentheisaka no tungah,
‘No tung ka tot theih nadingin ax
na khupbawh unla lampi-a kitawn lamlian bangin
na nungzang uh na dawh un,’ ay
hong cite khut sungah ka koih ding hi,” a ci hi.
Copyright information for
ZomZIV